Login to your account

Username *
Password *
Remember Me

Horta Konsidera Vasina Seidauk Garante Ema Livre Husi Covid-19

Eis Prezidenti Repúblika, José Ramos Horta foto hamutuk ho pesoal sira organizasaun mundial Saúde (OMS) hafoin remata vasina Covid-19 iha Klinika Formoza Bairu dos Grillos Dili, Kuarta (07/04). Eis Prezidenti Repúblika, José Ramos Horta foto hamutuk ho pesoal sira organizasaun mundial Saúde (OMS) hafoin remata vasina Covid-19 iha Klinika Formoza Bairu dos Grillos Dili, Kuarta (07/04). Foto Tempo Timor

Tempotimor (Dili) - Eis Prezidente Repúblika, José Ramos Horta hafoin simu vasinasaun AstraZeneca apela ba populasaun atu nafatin kumpri regra Organizasaun Mundial Saúde (OMS) no Ministériu Saúde (MS), tanba ema ne’ebé simu ona vasinasaun seidauk garante livre husi Covid-19.

"Ha’u hatete ba populasaun bainhira governu hahú vasinasaun ita buka hothotu simu e meus vasina la’ós sufisiente ba proteje-an husi Covid, mesmu ho vasina ona tenke uza máskra, distansiamentu nafatin”, dehan Horta iha Sentru Saúde Formosa, kuarta (07/04).

Hafoin vasina nia parte sente normal no antes simu vasina Ramos halo konsultasaun ona ho ema barak tantu rai laran no liur inkluidu Timoroan ne'ebé vasina ona.

"Ha’u ko’alia ho ema barak iha mundu ne'e, la’ós de’it iha ne'e. Ha’u ko’alia ho kolega barak iha Inglaterra kona-ba vasina. Vasina ne’ebé sira simu iha Inglaterra ida mak ne'e duni , 30-resin millaun simu ona vasina iha Inglaterra”, dehan Ramos.

Haree ba efeitus husi vasina mak iha reasaun bainhira remata vasina, hanesan isin manas, moras maibé nia parte konsidera ne'e normal bainhira ema simu vasina.

Ministra Negósiu Estranjeiru no Kooperasaun, Adaljiza Magno espresa nia sentimentu kontente no husu atu públiku labele dúvida ho informasaun ne'ebé lansa dehan vasina AstraZeneca.

"Sente di’ak hela, normal pois sente kontente tanba hetan ona vasina, ha’u sente seguru liután, purtantu ha’u kontente los nune'e enkoraja hothotu bele simu vasina ne'e tanba ne'e proteje ita”, dehan Adaljiza.

Husu atu kestaun saúde tenke tau konfiansa ba profesiónal saúd, doutor no sientifiku sira, inklui OMS tanba entidade hirak ne'e mak loroloron atende, produz kestaun saúde.

"Ema atu politiza oinsá mós, ita tenke fiar katak vasina ne'e seguru. Ha’u la fiar katak buat ne'ebé la seguru sira fó atu sona ba ita-nia isin”, afirma Adaljiza.

Entertantu, Primeiru Ministru, Taur Matan Ruak ne’ebé oferese-an sai primeiru ema ne'ebé hetan vasina Covid-19 inklui membru governu, konviksaun religioza no diplomata sira.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter