Haree ba vasina AstraZeneca ne’ebé dadaun hamutuk pursentu 20% ba line frente no vasina etapa daruak nia hafoin bele autoriza ba populasaun hotu.

Tanba ne’e, iha loron 16 fulan-abril, populasaun inklui traballadór balun ho inisiativa ba sentru saúde formaza hodi simu vasina, maibé ekipa saúde deside haruka fila.

Pesoál Médiku ne’ebé lakoi fó sai nia identidade hatete, ai-moruk ka vasina astrazeneca hamutuk 20% ba lina frente.

"Sira ne’ebé la'os tama iha front line nian, seidauk bele simu, tanba ne'e sidadaun estranjeiru ho kompaña sira seluk mós seidauk bele simu, ne’ebé ita-boot sira hein de'it”, hatete nia iha Sentru Saúde Formoza (SSF), sesta (16/04).

Tanba vasina 20% ne'e, seidauk to'o atu ema hotu hetan, enkuantu pesoál saúde, Polisia no ekipa front line balun seidauk vasina.

"Ami mós balun la to'o tan, balun seidauk simu tanba ami halo kalkulasaun tiha ona”, dehan nia.

Ho ida ne’e, Abelino da Silva nu’udar komunidade lamenta ho ekipa Ministériu Saúde (MS) tanba haruka nia fila ba uma, maske ho inisiativa atu tuir vasina.

"Primeiru sira husu povu dehan tenke simu, tanba la simu vasina dehan la di’ak, agora ami atu simu nusa mak haruka ami filafali”, deklara nia.(*)