Tanba, Iha izolementu Vera Cruz kazu pozitivu na’in-7. Ida grave, na’in-6 moderadu. Husi kazu pozitivu na’in-7 ne’e, 3 iha área medisina interna, 4 seluk iha obstetrisia.
“Kazu grave ne’ebé iha Vera Cruz, nafatin uza ventilador & aimoruk balun tuir protokolu ne’ebé Timor-Leste adopta, maibé iha estadu kritiku, isin sei manas nafatin no dada-i’is ho asisténsia mákina”, dehan Rui liuhusi Zoom Conference, sesta (16/04).
Husi dadus ne’ebé Sentru Integradu Jestaun ba Krize (SIJK) fó sai Iha kazu detetadu sintomátiku lijeiru balun, oras ne’e iha fatin izolamentu, mak keixa hanesan parte husi sintomas, susar/la bele atu horon morin ka dois. Ida ne’e parte husi sintoma Covid-19.
“Favor labele pániku, tamba maioria ema ne’ebé hetan sintoma hanesan ne’e, sei rekupera fali ninia kapasidade atu horon sasán”, afirma nia.
Maibé, husu ba populasaun respeita nafatin regra sira ne’ebé Governu hatu’ur ona atu prevene moras Covid-19 da’et ba mai. (*)