Maibé, situasaun ne'e mosu tanba impkatu husi desizaun serka sanitária no konfinamentu Obrigatóriu ne'ebé bandu halo movimentu inklui inundasaun ne'ebé foin lalais akontese.

"Fulan-marsu laran relasiona ho lockdown e inundasaun sira hotu entaun impaktu ita iha 12 mill ital pasiénte mak mai asesu tratamentu iha klinika Bairopite”, dehan Inácio ba www.tempotimor.com iha nia kna’ar fatin Bairo Pite Dili, segunda (19/04).

Iha mós númeru moras Ispa ne’ebé mak aas hamutuk 533 pasiénte, konsultasaun inan isin-rua, pre no post maternidade hamutuk 1.111, pasiénte labarik idade tinan 5 ba karaik hamutuk 133.

Ba kategória screen ba mall nutrisaun, iha labarik na’in 5 mak mal nutrisaun grave inklui na’in 3 mak kategória TBC, moras kulit hamutuk 108 pasiénte no diária 86 pasiénte, na’in 4 mak diária ho ran, dengue pasiénte na’in 9.

"Moras Ispa ne'e aas, kada loron aumenta depois inundasaun, ita hotu observa rai-rahun ne'ebé iha estrada-laran, iha fulan-april nia-laran dadus ne'ebé seidauk akumula hotu, maibé dadus ne'ebé iha hatudu katak númeru Ispa sa'e 40 too 50 pursentu husi totál númeru Ispa iha fulan antes”, dehan Inácio.

Husi númeru Ispa maiória husi idade labarik no balun husi idozu, enkuantu TBC maiória husi idade avansadu 40 anos ba leten, fulan-marsu, husi pasiénte 18 moras TBC, labarik hamutuk 4 ki'ik no barak liu mane. (*)