Login to your account

Username *
Password *
Remember Me

PM Taur ba Singapura, Lider MS Fó Info Kontrariu Featured

Ministru Saude (MS) Interino Bonifácio Maukoli ho Vise Ministra Saude Elia António de Araujo dos Reis Amaral Ministru Saude (MS) Interino Bonifácio Maukoli ho Vise Ministra Saude Elia António de Araujo dos Reis Amaral Foto Pagina MS

Tempotimor (Dili) Lideransa Ministériu Saude fó sai informasaun ne'ebé la hanesan relasiona ho karta Primeiru Ministru Taur Matan Ruak ba tratamentu saude iha Singapura.

Tuir Ministru Saude Interinu Bonifácio Maukoli, Ministériu Saude simu ona pedidu husi gabinete PM kona-ba pesoál saúde ne'ebé mak atu akompaña PM ba Singapura.

Enkuantu Vise Ministra Saude Elia António de Araujo dos Reis Amaral dehan to'o ohin MS seidauk simu pedidu husi gabinete PM ba pesoal saude ne'ebé sei akompaña PM Taur ba Singapura.

Ministru Saude Interinu Bonifacio Maukoli informa, MS simu ona pedidu husi Gabinete PM kona-ba pesoal saude ne'ebé sei akompaña PM Taur ba Singapura.

"Iha semana rua liu ba sua exelensia (PM Taur) rasik ba chek-up iha Ospital (Nasional). Iha ne'ebá deteta moras uitoan, ne'ebé ita presiza transfere ita-nia sua exelénsia ba halo tratamentu iha Singapura no Ministériu Saude orienta ona junta médiku no mós prepara dokumentus nesesáriu inklui sua exselensia nia espoza rasik mós hanesan, detéta iha moras, purtantu ida ne'e mak ita fó ona tempu par aban ne'e dezloka ona no akompañamentu ne'e ho médiku espesialista na'in rua," dehan Ministru Bonifácio.

Nia hatutan, Ospitál Nasional Guidu Valadares (HNGV) labele fó tratamentu ba PM Taur tanba iha indikasaun ne'ebé presiza halo ezaminasaun kompletu hodi bele hatene kondisaun real PM Taur.

Kona-ba ospital ne'ebé PM Taur ho nia espoza sei halo tratamentu saude, Ministru ne'e informa, PM ho nia espoza sei hala'o tratamentu saude iha ospital Santa Elisabeth ne'ebé molok ne'e asina ona nota intendimentu (MoU) ho parte Timor Leste.

Iha parte seluk, Vise Ministra Saude Elia António de Araujo dos Reis Amaral hafoin partisipa iha Konferensia AMP iha Terra Santa, PM ba Singapura atu halo de'it kontrolu ba nia kondisaun saude.

"Ha'u hanoin ida ne'e Primeiru Ministru atu halo de'it kontrola iha Singapura entaun ita hein fila mak ita hatene kondisaun saúde ne'e," dehan Elia.

Kona-ba pesoal saude ne'ebé sei akompaña PM Taur, Vise MS ne'e dehan, to'o ohin seidauk iha pedidu husi PM ba asuntu refere.

"Neste momentu kona-ba pesoal saúde balun atu akompaña exelénsia Primeiru Ministru seida'uk iha pedidu husi Primeiru Ministru mais nesesita bele koloka ba."

Hatan ba moras ne'ebé PM Taur sofre, Elia dehan, PM nia moras ne'e labele fó sai ba públiku tanba konfidensiál pasiente ida-idak nian sempre iha.

Rate this item
(7 votes)
Last modified on Sunday, 16 June 2019 09:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter