Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete, iha loron 23 fulan-abril tinan 2021, iha izolamentu Vera Cruz iha kazu detetadu na’in-15 (hanesan ho horiseik).
Iha área obstetrisia na’in-3, medisina interna na’in-9, pediatria 3. Tanba ne’e sira na’in-3 iha obstetrisia, kategoria moderadu hotu, sira-nia kondisun estável.
Haree ba sira na’in-9 iha medisina interna, 2 grave, 7 moderadu. Na’in-2 grave, 1 uza ventiladór, 1 iha loron 22 fulan-abril uza CPAP (Continuous Positive Airway Pressure), maibé loron 23 fulan-abtil uza de’it ona oxijénio ho mask.
Rui esplika, husi sira na’in-9 iha medisina interna ne’e, na’in-4 mak tama ho ARDS (Acute Respiratoric Distress ka Syndrom - Sindroma Insufisiénsia Respiratória Aguda-SIRA) plus iha comorbidade, na’in-5 tama ho ARDS/SIRA no 1la iha comorbidade.
“Kazu 3 pediatria, 1 moderadu, na’in-2 grave. Na’in-2 grave uza CPAP, no ida moderadu uza oxijéniu ho kanula”, afirma Rui. (*)