Desizaun ne’e foti atu funsionáriu sira seluk hala’o servisu iha FONGTIL temporariamente hapara servisu iha ofisiu hodi kumpri auto kuarentena durante loron 14.
Diretór Ezekutivu FONGTIL, Daniela Carmo do Santos hateten, rezultadu teste SWAB iha membru rua mak pozitivu Covid-19.
Membru na'in-rua ne'ebé rezultadu pozitivu Covid-19 ne'e feto ho inisial S.C ho L.F, no dadaun tratamentu hela iha izolamentu.
"Ami agora hetan hela orientasaun husi Sentru Integradu Jestaun Krize (SIJK) katak, halo auto-kuarentena, maibé ohin, tanba vasina, entaun ami mai, maibé depois de vasina, ami kontinua auto-kuarentina", dehan nia iha kna’ar fatin hafoin simu vasina, segunda (26/04).
Durasaun auto-kuarentena, orientasaun husi SIJK katak, loron (07/05), membru FONGTIL hotu ba fali halo teste Swab hodi komfirma rezultadu negativu ka pozitivu. (*)
