Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, iha loron 26 fulan-abril tinam 2021 tuir dadus jerál iha Timor-Leste, totál kazu konfirmadu kumulativu (sura husi 21 Marsu 2020) hamutuk 1949.
“Kazu detetatu foun ne’ebé relata iha dia 26 Abril 2021: 52 (iha Dili 49, iha Munisipiu seluk 3). Kazu rekuperadu ne’ebé ralata 18 no kazu ativu 1050”, dehan Rui liuhusi Zoom Conference, Segunda (26/04).
Totál kazu detetadu foun iha mane 27, feto 25, no 100% asintomátiku.
Husi kazu detetadu foun 36 (69,2,1%) mak deteta tanba halo teste ho razaun atu halo viajen ba Munisípiu hafoin deteta pozitivu.
Maske nune’e, sira ne’ebé rezultadu teste pozitivu husi grupu ida ne’e, maioria sira-nia hela fatin, iha duni cluster sira ne’ebé iha kazu detetadu barak iha Munisípiu Dili.
Durante loron rua nia laran, Laboratóriu Nasionál Saúde halo 399 testes PCR, ho detalladu hanesan vijilánsia sentinela 12, rastreiu ba kontaktu (Contact tracing) 9, rastreiu Aleatoriu (Random Screening) 65, viajen sai husi serka sanitária Munisipiu Dili 220, viajen internasionál 42, follow up iha kuarentena 51, no teste follow up ba sira iha fatin izolamentu 59 (18 negativu ona, 41 sei nafatin pozitivu). (*)