Login to your account

Username *
Password *
Remember Me

Komunidade Nahareka Hulan Pasiénte Kuaze Kilometru 11 Ba Tratamentu

Komunidade husi suku Nahareka, Postu Ossu, Munisipiu Vikeke hulan hela pasienta hodi hakbesik ba sentru saude hetan atu hetan tratamentu. Komunidade husi suku Nahareka, Postu Ossu, Munisipiu Vikeke hulan hela pasienta hodi hakbesik ba sentru saude hetan atu hetan tratamentu. Foto Suplay

Tempotimor (Dili)-Komunidade sira iha aldeia Makabu’u, Suku Nahareka, Postu Administrativu Ossu, Munisípiu Vikeke hulan pasiénte ida ho distánsia kuaze kilometru 10 ba tratamentu saúde iha Sentru saúde Vikeke.

Pasiénte ne'e komunidade hulan kuaze kilometru 11 iha loron domingu (09/05) hafoin ambulánsia Kontinua transporta ba Sentru Saúde Vikeke hodi halo tratamentu.

Haree ba situasaun ne’e, tanba kondisaun estrada ne’ebé liga husi suku Nahareka ba postu Ossu durante tinan 19 nia laran ukun-an, maibé seidauk hetan atensaun husi autoridade sira.

Ho ida ne’e, Asosiasaun Juventude Nahareka (AJN) Postu-administrativu Ossu, Munisípiu Vikeke, konsidera Governu la tau atensaun estrada liga husi Postu Ossu ba Suku Nahareka difikulta ambulánsia atu transporta pasiénte ba sentru saúde.

Ambulánsia durante ne’e la ba suku Nahareka hodi transporta pasiénte ne'e, tanba kondisaun estrada ne'ebé la permite.

Portavoz AJN, José Samaluka hatete, nia parte sente triste bainhira komúnidade hula pasiénte husi suku Nahareka ba sentru saúde.

"Ami haree kazu ne'e, sente triste tebes, tanba ema moras atu hetan lalais tratamentu, maibé laiha ambulánsia ne'ebé atu ajuda, suku Nahareka ne'e desde Timor ukun-an to'o agora governu la hadi'a estrada, governu kala matan at la haree situasaun sáida mak povu iha área rural enfrenta”, dehan nia ba www.tempotimor.com, segunda (10/05).

Iha sorin seluk Juventude, Filomeno Sequeira haktuir, pasiénte ne'e moras presíza atu ba halo tratamentu urjensia, kontaktu ba parte saúde, maibé ambulánsia labele ba to'o iha fatin hodi tula.

"Mana ne'e, moras atu ba tratamentu, maibé ambulansia mak la ba, tanba dehan dalan la di'ak, sira labele ba", dehan nia

Ho situasaun ne'e, parte nia husu ba governu atu tau atensaun, sé lae susar tebes ba ema sira iha área rurál bainhira moras presiza urjensia atu halo tratamentu.

Antes ne'e, autóridade lokál Suku Nahareka hato'o ona pedidu ba Ministériu Obrás Públiku (MOP), atu ateru estrada diresaun postu Ossu ba Nahareka, maibé to'o agora seidauk iha resposta. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter