Médiku ne’e dehan, vasina Astrazeneca ba ema la'ós aumenta imunidade 100%, maibé tipu vasina ne'e bele hetan imunidade 80% kada ema ida-idak no 20% maka uza maskra, fase liman no distánsia sosial.
"Ha’u husu ba sidadaun sira karik simu ona vasina, ita nafatin uza máskara, distánsia sosiál, fase liman bebeik, labele halibur malu”, hatete Médiku Veronica ba www.tempotimor.com iha SSK, kinta (20/5).
Pesoál saúde ne’e husu nafatin ba populasaun no instituisaun sira husi liña frente ne’ebé seidauk simu vasina, bele hakat ba klínika ne'ebé besik nune'e bele hetan vasina AstraZeneca.
Dadaun ne’e sidadaun ne’ebé simu ona vasina Astrazenca besik ona 3% husi totál populasaun Timor-Leste nian, maibé espesialmente iha Sentru Saúde Komoro sidadaun hamutuk rihun 8.265 mak simu ona vasina Astrazeneca.(*)