Matebian FG ne’ebé hakotu ona iis iha tuku 20:00 kalan ne’e naturalidade husi munisípiu Bobonaro, Postu Administrativu Kailaku, suku Manapa.

Hafoin situasaun ne’e, www.tempotimor.com hetan informasaun husi pesoál ida ne’ebé hala’o servisu iha izolamentu Vera Cruz katak, pasiente refere hakotu duni ona iis.

"Sim, ferik ida mate tan iha izolamentu Vera Cruz," dehan pesoál ne’ebé husu atu labele públika nia identidade. Sábadu (22/5).

Entretantu observasaun www.tempotimor.com iha terenu nota katak, dadaun ne’e familia matebian iha ona areadór izolamentu Vera Cruz hodi halo negosiasaun ho parte saúde kona-ba serimónia funebre.

Tuir informasaun katak, matebian refere, molok ne’e moras iha uma, entaun familia deside ba hala'o tratramentu saúde iha Ospitál Nasionál Guidu Valadares (ONGV), maibé depois konfirmadu katak pasiente ne’e pozitivu ba Covid-19, nune’e ekipa saúde transfere ba izolamentu Vera Cruz, infelizmente ohin pasiénte ne’e remata ona nia peregrinasaun.(*)