Matebian antes ne’e, sofre moras komplikadu iha Sentru Saúde Komoro hafoin transfere ba Ospital Nasional Guidu Valadares (HNGV) no to'o iha ospital halo teste swab ho rezultadu pozitivu Covid-19, entaun ekipa saude transfer fali mai izolamentu Vera Cruz.
Oan mane matebian MX, Joel Xavier hatete, nia aman antes ne’e, sofre ona moras komplikadu, mak lori ba Ospital halo teste swab.
"Ha'u-nia ama sofre komplikadu nune'e iha loron 21 fulan-maiu ne’e lori ba Sentru Saúde Komoro, tanba moras grave nune'e transfere kedan ba Ospitál Nasionál Guidu Valadares (HNGV) hafoin test swab iha HNGV pasiénte pozitivu Covid nune'e transfere kedan mai iha sala Izolamentu iha loron (21/05)”, informa Joel iha sala Izolamentu Vera Cruz, domingu (23/05).
Matebian ne'e, naturalidade husi Munisípiu Manufahi, Postu-administrativu Fatuberliu no dadaun hela iha, Aldeia 12 Outubro, Suku Komoro, nune'e familia sira halo ona konkordansia ho Sentru Integradu Jestaun Krizi (SIJK) no sei hakoi nia mate-isin iha semiteriu públiku Santo António Raikotu.
Matebian MX husik oan na'in-neen, ne'ebe kompostu husi feto rua no mane haat.
Haree ba dadus Sentru Integradu Jestaun ba Krize (SIJK) rejista kazu óbitu hamutuk na’in-13, iha tinan 2021, mai husi Munisípiu Likisá 1 no 12 husi Munisípiu Díli. (*)