Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu detetatu foun ne’ebé relata iha loron 27 fulan-maiu tinan 2021 hamutuk 213 (iha Dili 182, iha Munisipiu seluk 31).
Nune’e iha munisípiu Baukau hamutuk 11, Bobonaro 6, Covalima 5, Aileu 3, Ainaro 2, Likisá 2, Ermera 1 no Vikeké 1.
Husi totál kazu detetadu foun iha mane 124, feto 89 ho idade tinan 12 na'in-11, ho idade entre tinan 12-59 na'in-204 (95,7%), ho idade 60 na'in-9 no proporsaun kazu sintomátiku hamutuk 9,3%.
“Kazu rekuperadu 225 kazu ativu 2727, total kazu konfirmadu kumulativuiha 27 fulan-maiu 2021 (sura husi 21 Marsu 2020) hamutuk 6459”, dehan Rui liuhusi Komunikasaun imprensa, kinta (27/05).
Durante loron 26 to’o 27 fulan-maiu, hamutuk hotu Laboratóriu Nasionál Saúde (LNS) halo 1604 testes PCR iha Dili, ho detalles hanesan, Vijilánsia sentinela 84, Rastreiu ba kontaktu (Contact tracing) 188, Rastreiu Aleatóriu (Random Screening) 287, Viajen sai husi serka sanitária Munisípiu Dili 729, Viajen internasionál 290 no follow up iha kuarentena 31.
Rejultadu testes PCR ne’ebé halo iha loron 26 fulan-maiu iha Munisípiu sira seluk REAOA ho HNGV hamutuk 691, ho detalla hanesan, Baukau 113, Ermera 106, Maliana 64, Maubisse 160, RAEOA 2, Suai 80, Vikeké 49 no HNGV 117.(*)
