"Ita haree ba persentagem ne'ebé boot mak Timor-Leste iha pursentu 70 adultu ba ema ne'ebé mak fuma e pursentu 30 mós ba labarik sira entre idade 13 to'o 15 ne'e siknifika katak impaktu boot tebes ba saúde, ekonomia nomós ba ambiente”, dehan Odete iha Salaun Novo Turizmu, kuarta (02/06)

Tanba Governu anterior hahú implementa hodi ko'alia kona-ba taxa sigaru nian iha tinan 2016 maibé to’o oras ne'e seidauk iha desizaun.

"Dekretu do Governu mak ko'alia kona-ba kontrolu Tabaku iha nú 14/2016 ida ne'ebé mak hahú implementa iha 2016, kuandu dekreta do governu ne'e sai klaru que prosesu lubun ida mak ita haree prosesu saúde nian e oinsá taxa ba sigaru nian”, dehan nia.

Tanba ne'e importasaun oinsá atu tau mós taxa kona-ba presu tabaku ne’ebé iha hela prosesu diskusaun seidauk finaliza no tenke lori ba Parlamentu Nasionál (PN) atu nune'e bele implementa.

Tuir dadus ne'ebé mak ministériu saúde iha ema moras la hada'et iha Timor-Leste to'o ona pursentu 40, ema ne'ebé mak kontribui ba moras la hada'et mak ema ne'ebé la halo dieta, hemu tua, han hahán ne'ebé mak la saudável inklui mós fuma tabaku. (*)