"Kazu rekuperadu ne’ebé relata iha loron 5 fulan-juñu 2021 hamutuk 176 no kazu detetatu foun Pozitivu Covid-19, 148 (iha Dili 127, iha Munisípiu seluk 21) no totál kazu ativu 2473”, dehan Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, sábadu (05/06).
Husi totál kazu detetadu foun iha mane 77, feto 71, ho idade tinan 12 na'in-4, ho idade entre tinan 12-59 na'in-139 (93,9%); ho idade 60 na'in-5, proporsaun kazu sintomátiku hamutuk 4,7%, no kazu konfirmadu kumulativu iha 5 fulan-juñu 2021 (sura husi 21 Marsu 2020), 7659.
Husi loron 4 maibé o’on5 fulan-juñu,hamutuk hotu Laboratóriu Nasionál Saúde (LNS) halo 1006 testes PCR iha Dili, ho detalla hanesan, vijilánsia sentinela 25, rastreiu ba kontaktu (contact tracing) 29, Rastreiu aleatóriu (random screening) 206, viajen sai husi serka sanitária Munisipiu Dili, 717, viajen internasionál 18 no follow up iha kuarentena 11.
Rejultadu testes PCR ne’ebé halo iha loron 4 fulan-juñu iha munisipiu siraseluk REAOA no HNGV, hamutuk 577, ho detalla hanesan, Baukau 109, Ermera 117, Maliana 48, Maubisse 79, RAEOA 18, Suai 71, Vikeké 29 no HNGV 106.
Dadaun ne'e, Timor-Leste rejistu ona kazu Covid-19 konfirmadu hamutuk 7659 no mate hamutuk 17 nune'e munisípiu Dili rejistu ona nu'udar númeru kazu Covid-19 as liu. (*)
