Iha serimónia entrega vasina Sinovac Primeira Vise Primeiru Ministru, Armada Berta dos Santos, agradese ba governu Xina ne'ebé oferese ona Vasina Sinovac rihun 100.
"Ha'u hodi governu nia naran hato'o ha'u-nia agradese ba Governu Xina ninian ne'ebé mak fornese ajuda Vasina Sinovac rihun 100 doses ba Timor-Leste no agradese mós ba entidade hothotu ne'ebé mak durante ne'e servisu ho di'ak”, dehan Armada Berta iha sala VIP Aeroportu Internasional Nicolau Lobato, sábadu (05/06).
Nune’e, Ministra Saúde (MS),Odeta Maria Freitas Belo hatete, serimonia ida ne'e sai hanesan passu importante ida, ba Governu nia planu vasinasaum kontra Covid 19.
"Ida ne'e sai hanesan passu importante tebetebes ba Governu, ida nee vasinasaun kontra Covid 19 tanba ne'e, nasaun balun aprova vasinsuan rua hanesan mós Timor-Leste ita aprova vasina rua Sinovac no AstraZeneca, ita iha sorte tanba Governu Xina no Austrália halo doasaun doses Vasina ne'ebé bele halo kobertura liután”, dehan MS iha Salaun VIP Aeroportu Internasional Nicolau Lobato.
Aliende ne’e, Embaixadór Xina, Xiao Jianguo husu agradese ba Ministériu Saúde no institusaun relevantes ne'ebé mak koopera ona ho Governu Xina
"Kontente tebes no agradese ba esforsu departamentu no instituisaun sira hodi habelar tan vasina no agradese mós ba Ministériu Saúde ne'ebé mak halo ona programa ida ne'e”, dehan nia.
Apoiu Vasina Sinovac ne’e to'o iha Aeroportu Internasional Prezidente Nicolau Lobato ho aviaun My Zet Express iha tuku 14:48 Oras Timor-Leste.(*)
