Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu detetatu foun ne’ebé relata iha loron 8 fulan-juñu tinan 2021 hamutuk 98 (iha Dili 80, iha munisípiu seluk, 18) mane 47 no feto 51.
Husi totál kazu detetadu foun durante oras 24 nia laran ho idade tinan 12 na'in-1, ho idade entre tinan 12-59 na'in-95 (96,9%), ho idade 60 na'in-2 no proporsaun kazu sintomátiku hamutuk 12,2%.
“Kazu rekuperadu 214, totál kazu ativu 2115 no totál kazu konfirmadu kumulativu iha 8 fulan-juñu tinan 2021 (sura husi 21 marsu 2020) 7862”, deklara Rui liuhusi komunikadu imprensa, tersa (08/06).
Nune'e, husi loron 7 to’o 8 fulan-juñu, hamutuk hotu Laboratóriu Nasionál Saúde (LNS) halo 994 testes PCR iha Dili, ho detalla hanesan, vijilánsia sentinela 7, rastreiu ba kontaktu (contact tracing) 26, rastreiu aleatóriu (random screening) 189, viajen sai husi serka sanitária Munisípiu Dili 737, viajen internasionál 34 no follow up iha kuarentena 2.
Enkuantu, rezultadu testes PCR ne’ebé halo iha loron 7 fulan-juñu, iha munisípiu sira seluk REAOA ho HNGV, hamutuk 550, hanesan iha Baukau 106, Ermera 90, Maliana 45, Maubisse 115, RAEOA 10, Suai 61, Vikeké 12 no HNGV 111. (*)