"Ohin loron 16 fulan-juñu 2021 rejista kazu detetatu foun 66 iha Dili 46, iha munisípiu seluk 20 kompostu husi, Aileu 1, Bobonaro 5, Manatuto 10, RAEOA 4 no kazu rekuperadu 145”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, kuarta (16/06).

Husi totál kazu detetadu foun iha mane 41, feto 25 ho idade tinan 12 na'in-1, ho idade entre tinan 12-59 na'in-63 (95,4%), ho idade 60 na'in-2, proporsaun kazu sintomátiku hamutuk 7,5%,kazu ativu 1275 no totál kazu konfirmadu kumulativu iha 16 fulan-juñu 2021 (sura husi 21 Marsu 2020) 8478.   

Hahú loron 15 to’o 16 fulan-juñu, hamutuk hotu Laboratóriu Nasionál Saúde (LNS) halo 1097 testes PCR iha Dili, ho detalla hanesan, vijilánsia sentinela 2, vastreiu ba kontaktu (contact tracing) 101, rastreiu Aleatóriu (random screening) 231, viajen sai husi serka sanitária  munisípiu Dili 686, viajen internasionál 42 no follow up iha kuarentena 35.   

Rezultadu testes PCR ne’ebé halo iha loron 15 fulan-juñu iha munisípiu sira seluk, REAOA ho HNGV, hamutuk 427, ho detalla hanesan, Baukau 100, Ermera 11, Maliana 23, Maubisse 99, RAEOA 35, Suai 14, Vikeké 26 no HNGV 119.(*)