"Kazu detetadu foun 26, iha Dili 21, iha munisípiu seluk 5 ne'ebé kompostu husi Bobonaro 3, Manufahi 1, Viqueque 1 no kazu rekuperadu 116", informa Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, kinta (17/06).
Nune'e, totál kazu detetadu foun ohin, mane 9, feto 17, ho idade tinan 12 na'in-1, ho idade entre tinan 12-59 na'in-22 (84,6%) ho idade 60 na'in-3 no 100% asintomátiku.
Totál kazu ativu 1185 no kazu konfirmadu kumulativu iha 17 fulan Juñu 2021 (sura husi 21 Marsu 2020), 8504.
Horisehik mai ohin, loron 17 fulan Juñu, hamutuk hotu Laboratóriu Nasionál Saúde halo 705 testes PCR iha Dili, ho detalles hanesan, Vijilánsia sentinela 69, Rastreiu ba kontaktu (Contact tracing) 7, Rastreiu Aleatóriu (Random Screening) 45, viajen sai husi serka sanitária Munisípiu Dili 569, Viajen internasionál 15 no Follow up iha kuarentena 0.
Rezultadu testes PCR ne’ebé halo horseik loron 16 fulan Juñu iha munisípiu sira seluk, REAOA ho HNGV, hamutuk 461, ho detalle hanesan, Baucau 133, Ermera 119, Maliana 31, Maubisse 12, RAEOA 1, Suai 46, Viqueque 4 no HNGV 115.(*)
