“Kona-ba orsamentu ba vasinasaun nian atu dehan, ita aloka 16 milhões dolár, ba kompra vasina de'it. Ita aloka 13 milhões, restu 4 milhões ne'e atu haree ba servisu operasionál nian, selu taxa no transporte lori vasina, taun buat ki’ik oan kustu operasionál ne'e ita sura ho 4 milhões”, informa Ministra Saúde, Odete Maria Freitas Belo, iha salaun Ministériu Solidaridade Sosiál no Inkluzaun (MSSI) Kaikoli, segunda (21/06).
Maibé iha millaun US$13 ba kompra vasina sei iha mós apoiu ne'ebé doadore sira iha no agora haree oinsá mak bele kobre alvu sira seluk, ne'ebé bele kobre ema ne'ebé ho idade 18 mai kraik atu fó vasina saida.
“Ami mós konvida komisaun ida indenpendente komisaun Naitak nian, sira mós ajuda analiza vasina ida ne'ebé mak aproriadu prontu ona, atu bele sosa ou bele doadore sira fó ba idade menus husi 18 anos”, esplika Ministra Odete. (*)