Sekretáriu Estadu Formasaun Profesionál (SEFOPE) liuhusi Diretór Nasionál Empregu Exterior (DNEE), Filomeno Soares hatete, família husi matebian halo ona komfirmasaun kona-ba akontesimntu ne'ebé afeita ba sira-nia membru família. Maibé seidauk iha loron fiksu atu transporta matebian mai Timor-Leste.
“Ne'ebé agora dadauk seidauk fó data ka informsaun serteza ba ita-boot sira (jornalista) tanba agora dadauk iha hela prosesu identifikasaun kona-ba matebian ninian ne'ebé prosesu atu mai ka la mai ne'e ita sei hein tanba ita la hanesan uluk be aviaun regular sempre loroloron ba mai hela de'it, nia mate semana ida bele trata nia mai tanba regular fligth laiha ne'ebé depende ba aviaun hotu”, dehan Filomeno Soares iha nia kna’ar fatin Bekora, segunda (28/06).
Matebiaun ne’ebé aranka ba servisu iha nasaun Korea hafoin fulan-3, maibé hakotu ona vida hodi husik família iha Timor-Leste.
“Nia husi Munisípiu Ermera, Postu Administrativu Letefoho, nia Traballadór ne'ebé mak tuan, nia ba servisu ona iha Korea Súl dezde tinan 2016, depois nia remata nia kontinua tuir teste 'spesial test' ne'e nia manán depois nia ba fali iha dia 30 de Marsu foin lalais ne'e”, afirma Filomeno.
Maske nune’e seidauk iha informasaun loloos ba públiku tanba adidu ba traballadór iha Korea hamutuk embaixadór sei hala'o identifikasaun ba motivu.
“Ne'e orsida fó informasaun kredivel bainhira ita simu ona relat’oriu loloos husi adidu ba traballadór Korea no embaixadór Timor Leste iha Korea”, dehan nia. (*)