“Totál óbitu ne’ebé relata ohin, 30 fulan-Juñu 2021 na'in-1 (ida), feto ho idade tinan 60, timoroan hela iha Komoro Dili, diagnóstikadu sindroma insufisiénsia respiratória aguda (SIRA), tanba Covid-19 (Cycle Thresehold N2gene 30,5, Egene 28,6) iha HNGV loeon 29 fulan-juñu, maizoumenus 14h00”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprenda, kuarta (30/06).
Matebian iha istória moras seluk hanesan diabetes, kankru iha intestine ne’ebé naklekar ona mós ba pulmaun.
“Hafoin transfere ba Vera Cruz, matebian hetan tratamentu ba SIRA, tuir protokolu ne’ebé iha, maibé iha 17H00, matebian iis-kotu”, hatete Rui.
Nune'e família kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Entretantu totál óbitu Covid-19 iha Timor-Leste hamutuk 23 ne'ebé kompostu husi munisípiu Bobonaro na'in-3, Dili 19 Likisá na'in-1, la inklui sidadaun Xineza na'in-1. (*)
