Tempotimor (Dili)-Sentru Integradu Jestaun ba Krize (SIJK) dadaun ne’e rejista númeru kazu Covid-19 foun ne’ebé barak liu kompara ho kazu rekueperadu.
Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu Covid-19 foun 64 no kazu rekuperadu hamutuk 37.
"Kazu detetadu ne’ebé relata ohin loron 3 fulan-Jullu tinan 2021 foun 64 (iha Dili 32, seluk hamutuk 32), mane 49, feto 15 no kazu rekuperadu 37”, dehan nia liuhusi komunikadu imprensa, sábadu (03/07).
Husi totál kazu detetadu foun ho idade entre tinan 12-59 na'in-61 (95,3%), ho idade 60 na'in-3, 14,0 % maka sintomátiku (hatudu sintomas), kazu!ativu 897 no totál kazu konfirmadu kumulativu iha 3 fulan-Jullu 2021 (sura husi 21 Marsu 2020) 9425.
Hahú horiseik mai ohin, loron 3 fulan-Jullu, hamutuk hotu Laboratóriu Nasionál Saúde halo 750 testes PCR iha Dili, ho detalles hanesan, Vijilánsia sentinela 20, Rastreiu ba kontaktu (Contact tracing) 2, Rastreiu Aleatóriu (Random Screening) 55, Viajen sai husi serka sanitária munisípiu Dili 553, Viajen internasionál 2 no follow up iha kuarentena 8.
Rezultadu testes PCR ne’ebé halo iha loron 2 fulan-Jullu iha munisípiu sira seluk REAOA ho HNGV hamutuk 489 ho detalla hanesan Baucau 97, Ermera 54, Maliana 15, Maubisse 45, RAEOA 56, Suai 55, Vikeké 34 no HNGV 133. (*)
