Husi insidénsia Covid-19 iha Timor-Leste durante loron 7 ikus maka 4,8/100 mil abitante, enkuantu ba de'it munisípiu Dili 10,0/100 mil abitante.
Nune'e Iha semana ida ne’e, insidénsia iha munisípiu Dili nafatin aas-liu munisípiu sira seluk, tuir kedan ho munisípiu Baukau no Ermera.
"Ida ne’e hatudu katak, Munisípiu tolu (3) iha risku boot liu atu populasaun hetan da’et, no hada’et tutan vírus SARS-CoV-2, iha komunidade nia le’et”, dehan Rui liuhusi komunikadu imprensa, domingu (04/06).
Entretantu kazu detetatu iha loron 4 fulan-Jullu tinan 2021 foun hamutuk 51 (iha Dili 35, munisípiu seluk hamutuk 16), mane 30, feto 21, ho idade tinan 12 na'in-1, ho idade entre tinan 12-59 na'in-48 (94,1%), ho idade 60 na'in-2 no 7,8% mak sintomátiku (hatudu sintomas).
"Kazu rekuperadu 33, totál kazu ativu 915 no totál kazu konfirmadu kumulativu iha loron 4 fulan-Jullu.2021 (sura husi 21 Marsu 2020) 9.476”, ingorma nia.
Husi loron 3 to’o 4 fulan-Jullu, hamutuk hotu Laboratóriu Nasionál Saúde (LNS) halo 523 testes PCR iha Dili, ho detalla hanesan Vijilánsia sentinela 7, Rastreiu ba kontaktu (Contact tracing) 13, Rastreiu Aleatóriu (Random Screening) 26, Viajen sai husi serka sanitária Munisípiu Dili 439, Viajen internasionál 4 no follow up iha kuarentena 34.
Rezultadu testes PCR ne’ebé halo iha loron 3 fulan-Jullu iha Munisipiu sira seluk, REAOA ho HNGV, hamutuk 292, ho detalla hanesan, Baukau 118, Ermera 0, Maliana 12, Maubisse 45, RAEOA 17, Suai 17, Vikeké 8 no HNGV 96. (*)
