"Kazu detetadu ne’ebé relata ohin loron 6 fulan-Jullu tinan 2021 foun 46 (iha Dili 31, munisípiu seluk hamutuk 15) mane 29, feto 17 no kazu rekuperadu 29", dehan Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikasaun imprensa, tersa (06/07).
Husi totál kazu detetadu foun, hirak ho idade entre tinan 12-59 na'in-45 (97,8%), ho idade 60 na'in-1, 2,1% makasintomátiku (hatudu sintomas), kazu ativu ohin, loron 6 fulan-Jullu 2021 942 no totál kazu konfirmadu kumulativu iha 6 fulan-Jullu 2021 (sura husi 21 Marsu 2020) 9558.
Hahú husi loron 5 to’o 6 fulan-Jullu, hamutuk hotu Laboratóriu Nasionál Saúde (LNS) halo 870 testes PCR iha Dili, ho detalle hanesan, Vijilánsia sentinela 1, Rastreiu ba kontaktu (Contact tracing) 7, Rastreiu Aleatóriu (Random Screening) 60, Viajen sai husi serka sanitária Munisípiu Dili 689, Viajen internasionál 52 no follow up iha kuarentena 61.
Rezultadu testes PCR ne’ebé halo iha loron 5 fulan-Jullu iha munisípiu sira seluk, REAOA ho HNGV hamutuk 379, ho detalla hanesan Baukau 69, Ermera 76, Maliana 21, Maubisse 60, RAEOA 45, Suai 49, Vikeké 18 no HNGV 41.(*)
