“Totál óbitu ne’ebé relata ohin segunda (09/08) na'in-1 (ida) feto ho idade tinan 26, Timoroan, enkamiña husi Ospital Referénsia Maliana, iha 8 fulan-Agostu 2021 ho diagnóstiku G4P3A0 isin-rua semana 42, IUFD (bebé mate iha inan nia kanotak), Rutura uterina, Xoke ipovolémiku ho Covid-19”, dehan nia liuhusi komunikadu imprensa, segunda (09/08).
Iha loron ne’e kedas, ekipa médika espesializada halo operasaun cesariana, maibé bebé iis laiha ona (konfirma diagnostiku husi Ospitál Referénsia Maliana). Rezultadu PCR ne’ebé halo ba bebé hatudu rezultadu negativu.
Hafoin operasaun cesariana, matebian la konsege rekupera ho di’ak no iha loron 9 fulan-Agustu meiu-dia, iis kotu.
PCR post-mortem (hafoin i’is-kotu) hatudu rezultadu pozitivu ho Cycle Threshold (CT) N2 gene 38,9 ho Egene 36,8. Família kordena hela ho ekipa saúde atu hala’o funeral tuir protokolu ne’ebé adopta iha Timor-Leste. (*)