“Nafatin hakarak informa ba públiku katak, rezultadu sekuénsiasaun genómica konfirma variante preokupante Delta hakda’et ona iha komunidade Ermera nia le’et, liliu iha Gleno, Ermera no Railaku”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, kinta (12/08).
Diretór Servisu Saúde iha Munisipiu Ermera, António de Deus Fátima deklara, maske ekipa saúde sira deteta ona sidadaun na'in-12 iha munisípiu ne'e afeta ona variante foun Delta, maibé to'o oras ne'e seidauk da'et ka halo tranmisaun ba iha komunidade sira.
“Variante ita seidauk hatene, tanba foin na'in-12. Seidauk iha transmisaun, maibé ita haree took dezenvolvimentu kazu ne'e rasik iha loron hira mai ne'e, bazeia ba contactresing ne'ebé mak ita halo ba nia familia sira”, hatete António de Deus Fátima, iha Salaun São José, Katedrál, Bebora, kinta (12/08).
Enkuantu, totál númeru Covid-19 iha munisípiu Ermera hamutuk 945. (*)