“Totál kazu ativu iha loron 13 fula-Agostu tinan 2021 hamutuk 1.829 no kazu rekuperadu 206”, dehan nia liuhusi komunikadu imprensa, sesta (13/08).
Kazu detetatu foun iha 213 (iha Dili 104 ho Ermera 37 no munisípiu seluk hamutuk 72), mane 94, feto 119, ho idade tinan 20 na'in-41(19,2%) ho idade entre tinan 12-59 na'in-164 (77 %) ho idade 60 na'in-8.
Husi totál kazu detetadu foun iha 73 ka 34,3% mak sintomátiku (hatudu sintomas) no totál kazu konfirmadu kumulativu iha 13 fulan-Agostu 2021(sura husi 21Marsu 2020) hamutuk 12.272.
Hahú husi loron 12 to’o 13 agostu, hamutuk hotu Laboratóriu Nasionál Saúde (LNS) halo 678 testes PCR iha Dili ho detalla hanesan vijilánsia sentinela 17, rastreiu ba kontaktu (contact tracing) 146, rastreiu aleatóriu (random screening) 94, viajen sai husi serka sanitária Munisípiu Dili 343, viajen internasionál 24 no follow up iha kuarentena 54.
Rezultadu testes PCR ne’ebé halo iha loron 12 Agostu, iha munisípiu sira seluk REAOA ho HNGV hamutuk 329 ho detalla hanesan Baukau 63, Ermera 5, Maliana 52, Maubisse 56, RAEOA 27, Suai 52, Vikeké 20 no HNGV 54. (*)
