“Totál óbitu ne’ebé relata iha 15 fulan-Agostu 2021 na'in-1 (ida) mane ho idade tinan 76 Timoroan, hela iha Vera Cruz, Dili, diagnostikadu iha loron 13 Agostu 2021 ho sindroma insufisiénsia respiratória aguda (SIRA) tanba Covid-19 (Teste PCR nia resultadu pozitivu, Cycle Threshold: N2 gene 18,6, Egene16,2)”, informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, domingu (15/08).
Metebian iha istória moras obstrusaun pulmonary krónika (Chronic Obstructive Pulmonary Disease), ho mós istória tratamentu Tuberkuloze.
Iha loron 13 fulan-agustu pasiénte ne’e transfere ba hala’o tratamentu iha Vera Cruz, tuir protokolu tratamentu Covid-19.
Nune'e mos iha loron 15 fulan-agustu dadder, iis kotu tanba respiratoric failure. Bainhira halo teste PCR hafoin iis-kotu ona fatin pozitivu (CT N2gene 17,3, Egene 15,2).
Família koordena ona ho ekipa saúde atu hala’o funerál tuir protokolu ne’ebé adopta iha Timor-Leste. (*)
