Login to your account

Username *
Password *
Remember Me

PLP Ezije MS Haree Servisu Kondutór Ambulánsia

Deputada Bankada Partidu Libertasaun Popular (PLP), Reginha Freitas. Deputada Bankada Partidu Libertasaun Popular (PLP), Reginha Freitas. Foto Suplay

Tempotimor (Dili)-Deputada Bankada Partidu Libertasaun Popular (PLP), Reginha Freitas, ezije ba Minstériu Saúde (MS) atubele haree servisu kondutór ambulánsia hodi bele troka malu, tanba kolen bele prejudika pasiénte sira nia vida.

Ha’u hakarak foti iha fatin ida ne'e, se bele Ministériu Saúde tenke haree halo tratamentu ba ema sira ne'ebé lori karreta la'o loron kalan troka malu ka permanente. Se nia dehan kolen, se nia lori moras ruma mak husi dok ne'e nia sura ninia kolen, ema ne'e nia bele halai avontade, no ema moras sira bele mate tiha de'it iha kareta laran”, dehan nia iha plenária PN, tersa (17/08).

Tanba kazu ne’ebé akontese iha loron domingu (15/08), iha ospitál Nasionál Guidu Valadares (HNGV) bainhira hasoru vítima na'in-rua hetan xoke husi karreta ambulánsia no ikus mai rona kondutór ne'e aprezenta katak nia serbisu kolen.

Nune'e, vítima aman ho nia oan feto ho motorizada, maibé karreta ambulánsia ida ne'ebé lori moras Corona sira ne'e soke konsege rezulta aman monu iha valeta laran no nia oan monu iha estrada leten.

Maibé, Polisia Nasionál Timor-Leste konsege avakua tiha vítima sira ba ospitál, no pesoál na'in-rua ne’ebé mak lori karreta ambulánsia mós to'o iha ospitál, doutór sira haruka atu ba halo tratmentu, maibé pesoál na’in-rua hamriik haleu vítima litik vítima dehan vítima mak tolok, maibé vítima rasik la rekoiñese tanba ema barak.

Hafoin husu hotu vítima, pesoál na’in-rua ne'e kontinua dehan katak sira rua kolen, tanba la'o loron no la'o kalan inklui sira mós ameasa katak se akontesimentu ne'e ema moras mate iha karreta laran, (vitima) mak responsabiliza (tangun-jawab).

“Ne'e mak ha’u hatan ba sira dehan nune'e (hei beik ten sira) labele ko’alia hanesan ne'e, ohin imi na'in-rua soke tiha ema ne'e, imi lori ema ida maibé ne'e ema na’in-rua, imi mak soke se mate karik mak responsabiliza (tangun-jawab), ne’ebé husik ba ona polísia, no polísia mak responsabiliza, ne’ebé husi sira rua ba halo tratamentu”, haktuir nia.

Ho ida ne’e, husu Ministériu Saúde kuandu tau ema servisu ne’ebé profisionál, se bele troka malu tanba kondutór ne'e ema barak atu lori karreta, la'ós lori moras ida, ka xoke ema maibé sei aprezenta sira-nia kolen.

Prezidente Parlamentu Nasionál (PN), Aniceto Longuinhos Guterres Lopes konsidera, kestaun ne’ebé deputada foti klaru katak ambulánsia la'o iha sidade laran kuandu lais hanesan ne'e parese atu salva ema liliu moras ne’ebé iha ambulánsia laran.

Maibé la siknifika atu halakon tan ema seluk nia vida iha dalan, tanba ne'e populasaun mós tenke kompriende kuandu ambulánsia liu ne'e tenke kuidadu-an ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter