"Kazu detetatdu ne’ebé relata ohin, loron 23 fulan-Agostu tinan 2021 foun 532 (iha Dili 298, Baukau 90, Covalima 75 ho munisípiu seluk hamutuk 69), mane 335, feto 197. Totál óbitu ne’ebé relata ohin, na'in-2 (rua)", dehan Rui liuhusi komunikadu imprensa, tersa (24/08).

Husi totál kazu detetadu foun ho idade tinan 20 na'in-122 (23,8%) ho idade entre tinan 12-59 na'in-393 (73,68%) ho idade 60 na'in-17, 202 kazu ka 38% mak sintomátiku (hatudu sintomas) nune'e iha 81 (15%) iha ona vasina kompletu 146 (27%) hetan ona vasina doze dahuluk, kazu rekuperadu 97, kazu ativu 3.816 no totál kazu konfirmadu kumulativu iha 24 fulan-Agostu 2021(sura husi 21 Marsu 2020) hamutuk 14.935.

Husi obitu iha feto ho  idade tinan 35, Timoroan hela iha Dili, seidauk vasina no iha 22 fulan-Agostu 2021, diagnóstikadu sindroma insufisiénsia respiratória aguda (SIRA) Covid-19 (PCR pozitivu, CT Egene 22) nune'e hahú halo tratamento iha Lahane.

Iha mós Mane ho idade tinan 65 hela ida Dili seidauk vasina, iha 23 agostu 2021, diagnóstikadu sindroma insufisiénsia respiratória aguda (SIRA) tanba Covid-19 (Rapid Antigen Test Pozitive) no hahú halo tratamento iha Lahane.

loron 24 fulan-Agustu dader matebian iis-kotu tuku 05h10 dader. Familia koordena hela ho ekipa saúde sira atu hala’o funeral tuir protokolu ne’ebé adopta iha Timor-Leste.           

Hahú husi loron 23 to'o 24 Agostu, hamutuk hotu Laboratóriu Nasionál Saúde (LNS) halo 1388 testes PCR iha Dili, ho detalla hanesan, vijilánsia sentinela 122, rastreiu ba kontaktu (contact tracing) 412,  rastreiu aleatóriu (random screening) 315, viajen sai husi serka sanitária munisípiu Dili 248, viajen internasionál 238 no  follow up iha kuarentena 5.   

Rezultadu testes PCR ne’ebé halo iha loron 23 Agostu iha munisípiu sira seluk REAOA ho HNGV hamutuk 506 ho detalla hanesan Baukau 92, Ermera 15, Maliana 47, Maubisse 36, RAEOA 24, Suai 148, Vikeké 11, Lautein-Lospalos 16 no HNGV 117. (*)