"Agradese tebes ba señora Ministra Saúde ninia disponibilidade tomak, liuhusi prosesu diskusaun ba akordu ida ne'e, konsege hetan intendimentu ida ba intrese ita hotu nian”, hatete Aniceto Guterres iha sala konferensia Parlamentu Nasionál, kinta (26/08).
Ho akordu ne’ebé PN selebra hi Ministériu Saúde, la'ós ba intrese ida ne'e de'it maibé meza PN mós iha objetivu ida atu hametin liután sistema saúde, hodi depozita konfiansa ba deputadu sira atu halo tratamentu iha rai laran no la presiza ba rai liur.
Ministra Saúde (MS), Odete Maria Freitas Belo deklara, onra boot ba ba Ministériu Saúde tanba bele hasoru malu ho Prezidente PN, no distintu deputadu sira, atubele hala'o akordu entre Ministériu Saúde ho Parlamentu Nasionál (PN).
"Ida ne'e ha’u hanoin serimónia ne'ebé mak foin ba dahuluk ita halo ba ami ministeriu saude, amk kontente, ami apresia teb-tebes servisu, ho akordu ida ne'e, atu nune'e ami bele haforsa liután ami-nia servisu ho orgaun soberanu ida ne'e”, hatete nia.
Maske durante ne'e, kria ona Klínika ne’ebé bolu naran postu tratamentu, maibé Ministériu Saúde rasik sente fasilidade ida ne'e ki'ik atu fó atendimentu ba orgaun sobernu hanesan Parlamentu Nasionál, ho ida ne'e mak Ministériu Saúde hakarak halo akordu ida ne'e, atubele haboot liután, servisu sira ne’ebé mak ejiste ona iha PN. (*)