Ho ajudu ne’ebé hetan husu entidade sira hotu maske la temi ida-idak, maibé fó obrigadu no agradese ba apoiu ne’ebé hetan hodi fasilita nia operasaun ho susesu.
Tratamentu operasaun ne'e hala'o kuaze oras 4 nia laran, hahu husi ( 17:45 to'o 20:30 oras indonezia), hafoin muda filifali ba (ruang rawat inap), tanba durante iha prosesu ne'e hetan rezultadu di'ak.
Orsamentu ba tratamentu operasaun, ne'e hetan apoiu husi entidade solidaridade sira ne'ebé mak konsege rekoilla ho valór hamutuk Rupiah (Rp) 94.080.000.
"Apoiu finanseiru tratamentu saúde ba alin Clemencia officilmente ami taka, ohin loron 29/08/2021. Lahaluha mós ami hato'o obrigadu barak ba maluk sira ne'ebé iha sentimentu boot ajuda ona ita-nia alin Clemencia hodi hetan tratamentu saúde”, informa Ichy Costa iha nina pájina facebook, domingu (29/08).
Clemencia da Costa Baptista nu’udar oan feto boot ho nia alin ida, bainhira nia aman no inan mate, sira sei ki'ik. Maibé madre ida mak hakiak sira hodi haree sira-nia eskola to’o madre husik hela sira no filafali ba Maromak nia kadunan.
Maske, husi ne’ebá kedan laiha ona ema ida mak suporta atu kontinua nia universisdade, maibé Oan-Ki'ak ne'e lakoi lakon esperansa, kontinua esforsu hodi buka dalan oioin.
Ikus mai, oan ki'ak ne'e hetan bolsu estudu husi Universdade UNISMA Malang, hodi kontinua nia estudu iha indonezia, no dadauk Clemencia iha ona semestre V (lima) no falta semestre III (3) tan para remata nia estudu iha área Diretu nian.
Enkuantu, Clemencia hanesan oan feto boot ho nia alin ida, ho família husi suku Muapitine no Souro, Postu Administrativu Lospalos, Munisípiu Lautein, ne'ebe sira-rua nia inan no aman (matebian) hotu ona.(*)
