Login to your account

Username *
Password *
Remember Me

Timoroan Kontinua Mate ho Covid-19, Kazu Foun 113

Covid-19 iha Timor-Leste.  Covid-19 iha Timor-Leste. Foto Suplay

Tempotimor (Dili)-Sentru Integradu Jestaun ba Krize (SIJK) kada loron rejista timoroan kontinua mate ho Covid-19, no kazu foun iha loron 30 fulan-agustu 2021 hamutuk 113.

Tanba sura husi loron 21 fulan-marsu tinan 2020 mato to'o iha loron 30 fulan-Agustu tinan 2021, timoroan ne'ebé mate ona ho Covid-19 hamutuk 63 no na'in-1 sidadaun Xineza ne'ebé hela iha Dili.
Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun 113 no mate na'in-2 iha izolamentu Lahane.
"Kazu detetatu ne’ebé relata ohin, 30 Agostu 2021 foun 113 (iha Dili 66, Baukau 32 ho munisípiu seluk hamutuk 15) mane 58, feto 55 no mate na'in-2", dehan nia liuhusi komunikadu imprensa, segunda (30/08).

Husi totál kazu detetadu foun iha dade tinan 20 na'in-27 (23,8%) ho idade entre tinan 12-59 na'in-82 (72,5%) ho idade 60 na'in-4, 61 kazu ka 54,% mak sintomátiku (hatudu sintomas), kazu rekuperadu 91, kazu ativu 4.574 no totál kazu konfirmadu kumulativu iha 30 Agostu 2021 (sura husi 21 Marsu 2020) hamutuk 16.515.

Totál óbitu ne’ebé relata ohin feto ho idade tinan 73, Timoroan, hela iha Ainaro, seiduak vasina, iha 27 Agostu 2021 diagnóstikadu iha Ainaro ho sindroma insufisiénsia respiratória aguda (SIRA) tanba Covid-19. Iha loron ne’e kedas matebian hala’o tratamento iha Lahane tuir protokolu ne’ebé iha. Matebian iis-kotu, iha loron 30 fulan-agustu madrugada 01h44 tanba respiratoric failure/parajen respiratória.

Iha mós feto ho idade tinan 83 Timoroan hela iha Dili seiduak vasina kompletu iha 22 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19. Iha loron ne’e kedas matebian hala’o tratamento iha Vera Cruz. Matebian sofre mós problema fuan. Matebian iis-kotu iha loron 30 fulan-agustu dader 10h55, tanba respiratoric failure/parajen respiratória.

Hahú husi loron 29 to'o 30 Agostu, hamutuk hotu Laboratóriu Nasionál Saúde (LNS) halo 520 testes PCR iha Dili ho detalla hanesan vijilánsia sentinela 105, rastreiu ba kontaktu (contact tracing) 76, rastreiu aleatóriu (random screening) 69, viajen sai husi serka sanitária munisípiu Dili 59, viajen internasionál 24 no follow up iha kuarentena 187.

Rezultadu testes PCR ne’ebé halo iha 29 Agostu, munisípiu sira seluk REAOA ho HNGV hamutuk 125 ho detalla Baukau 54, Ermera 0, Maliana 20, Maubisse 15, RAEOA 9, Covalima-Suai 14, Vikeké 4, Lautein-Lospalos 0 no HNGV 9. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter