Maske iha reniaun Konsellu Ministru membru Governu kontra malu relasiona ho pedidu Ministériu Saúde atu aplika Konfinamentu Obrigatóriu (KO) ba Munisípiu Dili, maibé tanba lakohi povu mate ho tanba Covid-19 inklui Variante Delta.
"Membru Governu ami iha diferente ideia ha'u hanesan Ministra Saúde ha'u hakarak atu aplika Konfinamentu Obrigatóriu, haree ba situasaun ami-nian katak kama mamuk laiha ona pesoál saúde sira mós moras ona tanba ne'e ha'u kontra ha'u-nia kolega Ministru sira atu aplika Konfinamentu Obrigatóriu, tanba ha'u lakohi ha'u-nia ema atu mate, lakohi ha'u-nia komunidade atu mate", dehan Ministra Odete iha Salaun Ministériu Finansas, aitarak Laran, sábadu (04/09).
Tanba ne'e kuandu la aplika serka Sanitária, Konfimantu Obrigatóriu sidadaun barak mak sei mate tanba Covid-19 inklui mós Delta.
"Ha'u tenke kontra ha'u-nia kolega Ministru sira tanba sira mós atu ezekuta sira-nia atividade ita iha fulan klaran ona ba to'o Dezembru sira labele sira-nia orsamentu nia atividade sira no sei aprezenta nia relatóriu ba Primeiru Ministru no sei responsável ba kada Ministru sira-nia ezekusaun servisu durante ne'e", hatete nia.
Maske Ministru sira lakohi atu aplika konfinamentu Obrigatóriu mak akontese komunidade mate barak sei husu Ministru hotu hotu nia responsabilidade sira. (*)