"Totál óbitu ne’ebé relata ohin, 4 Setembru 2021 na'in-4 (haat), Rua (2) iha Dili, rua (2) iha Lautein ho detalla hanesan Bebé feto, idade loron 12, Timoroan, inan hela iha Remexio, iha 23 Agostu 2021, moris husi inan diagnóstikadu ho Covid-19. Matebian sofre mós sífilisbcongenital", dehan nia liuhusi komunikadu imprensa, sábadu (04/09).

Hafoin moris hetan pneumonia tamba Covid-19, hala’o tratamentu iha semana ida ikus, maibé iis-kotu iha loron 04 fulan-setembru tinan 2021 tuku 12h20.

Tuir mane ho idade tinan 76, Timoroan hela iha Dili iha 23 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19. Iha loron ne’e kedas matebian hala’o tratamento iha Vera Cruz. Matebian iis-kotu loron 04 fulan-setembru tinan 2021, tuku 14h55, iha Vera Cruz.

Iha mós mane ho idade 42, Timoroan hela iha Lospalos seidauk vasina, iha 3 Setembru 2021 diagnóstikadu iha Lautein-Lospalos ho sindroma insufisiénsia respiratória aguda (SIRA) tanba Covid-19. Matebian iis-kotu loron 04 fulan-setembru tinan 2021 dader 05h35, iha Lospalos.

Mane ho idade 16, Timoroan, hela iha Lospalos, seidauk vasina, iha 3 Setembru 2021 diagnóstikadu iha Lautein-Lospalos ho sindroma insufisiénsia respiratória aguda (SIRA) tanba Covid-19. Matebian sofre mós moras fuan anemia. Matebian i’is-kotu loron 03 fulan-setembru tinan 2021, tuku 18h00, iha Lospalos.

Entretantu família matebian sira koordena ona ho ekipa saúde atu hala’o funeral tuir protokolu ne’ebé adopta iha Timor-Leste. (*)