Pasiénte Na'in-15 Gravé, Munisípiu 2 Insidente Covid-19 As

Izolamentu ne'ebe Governu prepara ba pasiente Covid-19 sira iha kapital Dili. Izolamentu ne'ebe Governu prepara ba pasiente Covid-19 sira iha kapital Dili. Foto Tempo Timor

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, pasiénte Covid-19 na'in-15 gravé iha izolamentu no Munisípiu 2 (Dili, Baukau) kontinua rejistu insidénsia Covid-19 as.

Iha loron 5 Setembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na'in-95.

"Gravé hamutuk 15 pesoál (na'in-2 uza ventilador, na'in-4 uza CPAP-Continuous Positive Airway Pressure-, na'in-9 uza oksijéniu) nune'e insidénsia munisípiu Dili ho munisípiu Baukau tuir-tuir malu a’as-liu, iha Timor-Leste laran tomak", dehan nia liuhusi komunikadu imprensa, domingu (05/09).

Enkuantu Moderadu hamutuk 58 pesoál, Leve hamutuk 22 pesoál no hahú loron 05 fulan-setembru iha munisípiu Baukau iha insidénsia 16,6/100 mil abitante, tuir kedas ho munisípiu Covalima ho insidénsia 10,1/100 mil abitante, munisípiu Lautein ho insidénsia 9,6/100 mil abitante, hafoin munisípiu Bobonaro ho insidénsia 7,6/100 mil abitante.

Dadus Insidénsia munisípiu Dili ho munisípiu Baukau tuir-tuir malu as-liu, iha Timor-Leste laran tomak no munisípiu 3 seluk Covalima, Lautein, Bobonaro mós hatudu risku as-liu, atu populasaun hetan da’et, no hada’et tutan vírus SARS-CoV-2, iha komunidade nia le’et. (*)

Rate this item
(0 votes)
Last modified on Sunday, 05 September 2021 20:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter