Login to your account

Username *
Password *
Remember Me

Igreja Konsidera Sidadaun Kontinua Kontra Regra Prevensaun Covid-19

Padre Parókia Balide, Graciano Santos Barros. Padre Parókia Balide, Graciano Santos Barros. Foto Tempo Timor

Tempotimor (Dili)-Igreja Katótlika iha Timor-Leste liuhusi Arkedioseze Dili konsidera komunidade iha Kapitál Dili kontinua kontra regra prevensaun Covid-19, tanba halibur malu nafatin iha serimónia funerál sira.

Reprezentante Arkebispu Dioseze Dili, Padre Graciano Santos Barros hatete, iha hasoru ne'ebé halo Governu liliu Ministru Prezidénsia Konsellu Ministru hodi ko'alia kona-ba situasaun konfinamentu, ne'ebé parte uma kreda nian liliu iha Dili atividade relijióza hapara, buat hirak ne'e haree filafali buka dalan ikus mai estende tan konfinamentu karik buka dalan mellora liután buat balun.
"Puré-zemplu, hakoi ema ne'e iha ema na'in-sanulu marka prezensa iha rate, mais dadaun ita Timor kuaze prátika ne'e la la'o, ema barak tebes, entaun durante ne'e susar tebes atu hala'o ida ne'e”, Padre Graciano hafoin hasoru malu ho Ministru Prezidensia Konsellu Ministru, Fidelis Manuel Leite Magalhães, iha Ministériu Finansas, Aitarak-Laran, segunda (06/09).

Maske iha rezolusaun Governu fó sai ona maibé komunidade sira la kumpri regra husi OMS (Organizasaun Mundiál Saúde), ho MS (Ministériu Saúde) ko'alia kona-ba uza máskara, fase liman ho sabaun, halo dezinfeta, halo distansiamentu fíziku ho sosiál.

"Informa ba Governu mak ne'e, regra funerál ne'e iha rate sira tenke ema na'in-sanulu de'it, na realidade la akontese hanesan ne'e ida, tama iha rate ne'ebá ne'e ema barak tebes. Depois ita hirus malu fali, hanoin katak ami husi uma kreda ka paroku sira mak fó orientasaun sira ne'e la'e, mais sarani sira inisiativa tama mai barak, agora buat sira ne'e mak oinsá buka dalan atu hadi'a", afirma nia.

Tanba ne'e, apela ba sidadaun hotu atu tuir regra ne'ebé Governu aprova no impoin iha Konfinamentu Obrigatóriu (lockdown), bainhira atu hakoi mate ruma, másimu tenke ema na'in-sanulu de'it.

“Ami kuaze kolabora, tanba amu Bispu sira dehan ita kolabora situasaun ba moras ida ne'e ita labele halai sees, ami kolabora depois avalia sasán balun ne'ebé mak la'o ita avalia hamutuk ho Governu, ita tenke hakru'uk ba desizaun Governu nian, desizaun politika husik na'i ulun sira foti, ita fó de'it ita-nia opiniaun nune'e bele kontribui", hatete nia.

Ministru Prezidénsia Konsellu Ministru (MPKM), Fidelis Leite Magalhăes hatete, iha reuniaun ne'e, parte Igreja aprezenta hanoin balu, kona-ba progresu ba lala'ok hirak ne'ebé mak la'o, no parte Igreja apresia tebes ho esforsu sira ne'ebé mak Governu halo.

"Governu mós fó obrigadu wain, em primeiru lugar ba kontribuisaun tomak ne'ebé mak ita-nia Igreja, Uma-kreda fó iha situasaun atual, liliu iha relasaun ho medida sira ne'ebé mak Uma-kreda hola ba distansiamentu, husu para sarani sira tau máskara no medida sira seluk tan ne'ebé mak ita tenke implementa", hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter