Login to your account

Username *
Password *
Remember Me

MAPKOMS Enkoraja Komunidade Mulo Partisipa Vasina

Ministru Asuntu Parlamentar no Komunikasaun Sosiál (MAPKOMS), Francisco Martins da Costa Pereira  Jerónimo,  halo dialogu ho komunidade sira iha iha suku Mulo, Postu Administrativu Hatu-Builiku, Munisípiu Ainaro. Ministru Asuntu Parlamentar no Komunikasaun Sosiál (MAPKOMS), Francisco Martins da Costa Pereira Jerónimo, halo dialogu ho komunidade sira iha iha suku Mulo, Postu Administrativu Hatu-Builiku, Munisípiu Ainaro. Foto Suplay

Tempotimor (Ainaro)-Ministru Asuntu Parlamentar no Komunikasaun Sosiál (MAPKOMS), Francisco Martins da Costa Pereira  Jerónimo, enkoraja komunidade sira iha suku Mulo, Postu Administrativu Hatu-Builiku, Munisípiu Ainaro, atu partisipa programa vasinasaun nasionál kontra Covid-19.

"Komunidade presiza vasina tanba iha mundu inklui Timor-Leste daudaun ne'e seidauk iha ai-moruk atu halakon Covid-19 maibé iha de'it ai-moruk ne'ebé atu aumenta ema-nia imunidade hodi kontra Covid-19", dehan Francisco Martins, bainhira halo diálogu komunitáriu iha suku Mulo, tersa (07/08).

Tanba ne'e husu ba inan-aman sira ne'ebé idozu ona tenke simu vasina tanba idade ne'ebé avansadu ona ne'e imunidade mós menus.

Komunidade, Francisco Magno hatete, nia parte agradese tebes ba MAPKomS nia prezensa ne'ebé to'o duni sira-nia suku hodi fó korajen vantajen hosi vasina nian ba sira, tanba durante ne'e sira menus informasaun nune'e sira tauk simu vasina.

"Maibé ho esplikasaun husi MAPKomS ida ne'e enkoraja tebes ami nune'e ami agradese tebes, e ami sei la tauk tan ona atu simu vasina", dehan nia.

Xefe Suku Mulo, José Florindo Andrade hatete, kona-ba partisipasaun vasina komunidade nian iha suku refere foufoun halo lansamentu vasina, komunidade maiória lakohi partisipa vasina tanba tauk, maibé ho esforsu Governu nian agora komunidade maiória mak partisipa ona vasina.

"Ohin ho prezensa MAPKomS mai ko'alia tan ha'u sente ida ne'e parte ida ajuda komunidade oinsá komunidade rasik bele rona direitamente husi membru Governu sira nune'e sira fiar katak Governu la hanoin-at ba nia povu maibé atu salva", nia dehan.

Entretantu Suku Mulo iha aldea Mulo, Tatiri, Hautio, Aituto, Manumera, Mau-Lahulo, Ble-Heto, no Queo-Rudo ho totál populasaun hamutuk 7.630-resin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter