"Kazu rekuperadu ne’ebé ralata ohin, loron 8 Setembru 2021 foun 466 no kazu detetatu foun 158 (iha Dili 109, Baukau 17, RAEOA 8, Ainaro 8, Manatuto 6 ho munisípiu seluk hamutuk 10) mane 72, feto 86", dehan nia liuhusi komunikadu imprensa, kuarta (08/09).
Husi totál kazu detetadu foun hirak ho idade tinan 20 na'in-25 (11,0%) ho idade entre tinan 12-59 na'in-120 (76%), ho idade 60 na'in-13, kazu ativu 3.631 no totál kazu konfirmadu kumulativu iha 8 Setembru 2021 (sura husi 21 Marsu 2020) hamutuk 18.046.
Enkuantu totál óbitu ne’ebé remata ohin na'in-1 (ida), Mane ho idade 60, Timoroan, hela iha Dili, vasina seidauk kompletu, iha loron 5 fulan-Setembru 2021, diagnóstikadu iha HNGV, ho sindroma insufisiénsia respiratória aguda (SIRA) tanba Covid-19. Loron ne'e kedas matebian hala’o tratamentu iha Lahane.
Matebian iis-kotu ohin dader 3h52 no família kolabora ho ekipa saúde, atu hala’o funerál tuir protokolu ne’ebé adopta iha Timor-Leste.
Hahú husi loron 07 to'o 08 fullan-setembru, hamutuk hotu Laboratóriu Nasionál Saúde (LNS) halo 495 testes PCR iha Dili, ho detalla hanesan vijilánsia sentinela 75, rastreiu ba kontaktu (contact tracing) 83, rastreiu aleatóriu (random screening) 105, viajen sai husi serka sanitária munisípiu Dili 132, viajen internasionál 12 no follow up iha kuarentena 88.
Rezultadu testes PCR ne’ebé halo iha loron 7 Setembru, munisípiu sira seluk REAOA ho HNGV, hamutuk 420 ho detalla hanesan Baukau 105, Ermera 14, Maliana 49, Maubisse 20, RAEOA 38, Covalima-Suai 41, Vikeké 21, Lautein-Lospalos 9 no HNGV 123. (*)
