Tanba ne'e, bazeia ba tetu OJE 2022, ne’ebé aloka ba SNAEM ne'e hamutuk rihun US$615, maibé propoin tan rihun US$700.
Diretór Jerál Serviço Nacionál de Ambulancias e Emergencia Medica (SNAEM), Orásio Sarmento da Costa hatete, iha Orsamentu Jerál Estadu (OJE) tinan fiskál 2022, deside atu jere rasik saláriu vensimentu.
"Orsamentu ida foun ne'e pakote fiskal ne'e ami hetan U$615 mil de'it. Tanba salariu durente ne'e iha hela Ministeriu Saude, ami propoin para saláriu muda mai ami”, dehan nia iha Ministériu Finansas, Aitark Laran, sesta (10/09).
Tanba atu muda saláriu ba SNAEM, dadauk propoin hela adisionál rihun US$700, ho tan bens servisu kuaze rihun US$800.
Aleinde, propoin mós ba transferénsia públiku rihun US$190 hodi selu ba aviaun ne’ebé durante ne'e halo hela evakuasaun ba pasiénte sira.
"Am propoin mós kapitál menor, kuaze US$800 mil, inklui atu sosa ambulánsia ho karreta operasionál no ekipamentu balun”, esplika nia.
Husi adisionál hirak tau hamutuk kuaze hetan montante tokon US$2.8 ne’ebé sei kobre nesesidade sira seluk. (*)