Print this page

Kazu Covid-19 Foun 70, Mate Na'in-2

By September 16, 2021 947
Covid-19 Timor-Leste. Covid-19 Timor-Leste. Foto Suplay

Tempotimor (Dili)-Koordenadór Forsas-Tarefas ba Prevensaun no Motigasaun Surtu Kovid-19, Rui Maria de Aroujo informa, kazu Covid-19 foun hamutuk 70 no mate na'in-2 iha izolamentu.

"Kazu detetatu ne’ebé relata ohin, 16 Setembru 2021 foun 70 (iha Dili 35, RAEOA 18 ho munisípiu seluk hamutuk 17), mane 37, feto 33 no totál mate na'in-2", dehan nia liuhusi komunikadu imprensa, kinta (16/09).

Husi totál kazu detetadu foun ho idade 20 na'in-6, ho idade entre 12-59 na'in-58 ho idade 60 na'in-6, kazu rekuperadu 173, kazu ativu 1.995 no totál kazu konfirmadu kumulativu iha 16 Setembru 2021 (sura husi 21 Marsu 2020) hamutuk 18.856.

Entretantu totál óbitu iha na'in-2 (rua) ho detalla hanesan mane ho idade 50, hela iha Baukau, seiduak vasina, iha 15 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19, iha Baukau.

Matebian sofremós moras lepra. Ohin matebian iis-kotu  iha dalan tuku 12h15, wainhira iha prosesu transfere ho ambulánsia mai Vera Cruz.

Tuir matebian Mane ho idade 64, sidadaun estranjeiru hela iha Dili, vasina kompletu, iha 11 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19 iha HNGV. Iha loron ne’e kedas hala’o tratamentu iha Lahane maibé iis-kotu ohin dader 11h50.

Família kolabora ho ekipa saúde, hodihala’o funeral tuir protokolu ne’ebé adopta  iha Timor-Leste.         

Hahú husi loron 15 to’o 16 Setembru  2021, hamutuk hotu Laboratóriu Nasionál Saúde halo 244 testes PCR            iha       Dili, ho            detalles hanesan, vijilánsia sentinela 23, rastreiu       ba kontaktu (Contact tracing) 13, rastreiu aleatóriu (random screening) 50, viajen sai husi serka sanitária munisípiu Dili 155, viajen internasionál 0 no follow up iha kuarentena 5.

Rezultadu testes PCR ne’ebé halo iha loron 15 Setembru, iha munisípiu sira seluk REAOA ho HNGV, hamutuk 387 ho detalla          hanesan Baukau 137, Ermera22, Maliana 15, Maubisse 11, RAEOA 77, Covalima-Suai 32, Vikeké 6 Lautein-Lospalos 53 no HNGV 93.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items