Print this page

Komunidade Madabenu Sei Koopera ho Governu Simu Vasina

By September 17, 2021 1572
Ministru Asuntu Parlamentar no Komunikasaun Sosiál (MAKomS), Francisco Martins Jerónimo, entrega hela kartaun vasina ba komunidade ne’ebé simu vasina Doze dahuluk iha momentu liuba. Ministru Asuntu Parlamentar no Komunikasaun Sosiál (MAKomS), Francisco Martins Jerónimo, entrega hela kartaun vasina ba komunidade ne’ebé simu vasina Doze dahuluk iha momentu liuba. Foto Suplay

Tempotimor (Aileu)-Komunidade Suku Madabenu, Postu Administrativu Laulara, Munisípiu Aileu, prontu atu koopera ho Governu hodi simu vasina atubele hasa’e imunidade kontra Covid-19.

"Ami orgullu no apresia tebes ho prezensa MAPKomS nia ne'ebé mai Sensibiliza informasaun kona-ba programa vasinasaun Covid-19 ne'e, tanba ne'e ami komunidade Madabenu sei prontu atu koopera ho Governu hodi simu vasina”, dehan Xefe Suku Medabenu Afonso M.Henrique, iha Suku Madebenu, kinta (16/09).

Durante ne'e komunidade la koopera atu simu vasina tanba maioria rona informasaun falsa husi mídia sosiál, maibé prezensa Ministru Asuntu Parlamentar no Komunikasaun Sosiál (MAKomS), Francisco Martins Jerónimo iha sira-nia suku bele fó informasaun kona-ba vantazen husi vasina refere.

Reprezentante Komunidade, Teresa C.Perreira hatete, nia parte prontu atu simu vasina tanba rona ona informasaun direita ho klaramente husi  Governu, no durante ne'e nia la simu vasina tanba tauk ho informasaun balun ne'ebé nia rona katak simu vasina vida badak.

"Durante ne'e ha'u la vasina tanba rona informasaun barak liu katak, vasina ita-nia vida badak, maibé ohin ha'u rona ona informasaun entaun ha'u sei prontu atu simu vasina”, dehan nia.

MAPKomS, Francisco Martins Jerónimo esplika, dalan úniku atu proteje-an mak, komunidade iha dever no obrigasaun atu koopera ho Governu hakbesik-an ba postu saúde hodi simu vasina, nune'e hasa’e imunidade hodi forte hasoru Covid-19.

"Tanba estadu iha nia programa hodi halo preparasaun oinsá atu salva Komunidade, nune'e husu ba ita-boot sira nafatin koopera ho estadu hodi hakbesik-an ba simu vasina, nune'e ita bele salva ita-nia família, no ita-nia nasaun”, afirna nia. (*)

Rate this item
(0 votes)
Last modified on Friday, 17 September 2021 09:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items