Login to your account

Username *
Password *
Remember Me

Fulan-Outubru, Vasina AstraZeneca Balun Liu Ona Prazu

Diretora Jerál Prestasaun Servisu Ministériu Saúde, Odete Viagas. Diretora Jerál Prestasaun Servisu Ministériu Saúde, Odete Viagas. Foto Suplay

 Tempotimor (Dili)-Diretora Jerál Prestasaun Servisu Ministériu Saúde, Odete Viagas hatete, vasina AstraZeneca ne’ebé oferese husi doadór sira iha fulan-outubru no novembru tinan 2021 balun liu ona prazu  (espired).

"Ita haree mós dezafiu saida mak sai obstakulu ba implementadór sira iha baze liliu Diretór sira iha munisípiu no atu haree mós númeru vasina boot to'o iha ita-nia rai e mós sei espired iha tempu badak, balun sei espired iha 31 Outubru, balun iha 10 Novembru e balun sei espired iha 31 Novembru”, informa nia iha Ótel Novo Turizmu Lesidere, tersa (21/09).

Tanba ne’e Ministériu Saúde bolu hamutuk diretór Munisípiu sira, Diretór ospitál sira, pontu voál sira hamutuk ho parseiru sira, atu oinsá muda fali estratéjia karik demanda populasaun ladun partisipa ativu iha vasina, dalan saida mak jestór sira iha baze presiza buka, mekanizmu saida mak presiza atu hadi’a.

Haree ba planu implementasaun vasina ne'ebé mak hala'o ona iha territóriu tomak, hahú iha fulan-abríl to’o ohin loron halo valiasaun nasionál ida ne'e munisípiu hotuhotu atu haree progressu husi vasina no implementasaun husi vasina ne'e rasik.

Ho esperansa enkontru avaliasaun, depois Diretór sira fila ba munisípiu tenke hahú haree ona mekanizmu implementasaun ida ne'ebé mak mais efetivu bele responde ba nesesidade populasaun sira-nian.

"Hanesan ezemplu ha'u fó de'it katak, karik durante ne'e ita halo de'it, loke postu vasinasaun iha sentru saúde, nomós iha suku, aldeia maibé ita presiza haree ona katak, karik populasaun la hakbesik saida mak profesionál saúde sira tenke halo, sira tenke tama sai mós uma oinsá halo vasina ba ita-nia komunidade maibé ne'e la'ós servisu mesak tenke servisu mós ho autoridade lokál sira", dehan nia.

Diretór Saúde Munisípiu Ermera, António de Fatima hatete, populasuan sira ne'ebé ho idade 18 ba leten ema ne'ebé atu vasina ne'e 75.124 maibé agora foin atinje primeiru doze ho segundu doze hamutuk 22.440 populasaun.

"Ba primeira doze ita atinje ona pursentu 9.7, ba iha segundu doze ita atinje pursentu  29,7 ne'e siknifika Ermera seidauk bele atinje tuir metas ne'ebé iha", informa nia.

Maske komunidade tauk maibé Governu dehan vasina la obrigatóriu, mobilizasaun lideransa atu lori povu mai postu vasinasuan ne'e menus no Igreja iha parokia balun seidauk apoiu saúde nia servisu.

"Agora ita esforsu nafatin, ba oin ita kria estratéjia foun balun halo servisu hamutuk ho ita-nia líder komunitária sira, ita-nia NGO sira, parte instituisaun relevante sira para ita  halo nafatin esforsu atu atinje metas ne'ebé iha", afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter