Subsídiu Liña Frente ba Ekipa MS Sei iha Prosesu Verifikasaun

Diretór Ezekutivu Óspital Nasional Guido Valadares (HNGV), Alito Soares. Diretór Ezekutivu Óspital Nasional Guido Valadares (HNGV), Alito Soares. Foto Suplay

Tempotimor (Dili)-Diretór Jerál Servisu Korporativu Ministériu Saúde, Marcelo Amaral hatete, subsídiu liña frente ba Ekipa husi Ministériu Saúde sei iha hela faze prosesu verifikadaun dadus tanba bazeia ba sira-nia kategória servisu.

"Dadaun ne'e dadus ne'ebé tama mai iha ami-nia fatin hamutuk 5000 ital, ida ne'e ita tenke verifika didi’ak, no aban ami sei tuur hamutuk ho Diretór Munisípiu sira atubele haree fali sira-nia dadus ida-idak, nune'e ita la bele husik ema ruma la hetan, no ita asegura katak munisípiu sira tenke identifika ninia ema ne'e loloos, tama iha kategória ida ne'ebé, tanba iha ne'eba iha kategória lubuk ida", dehan nia iha Ótel Novu Turizmu Lesidere, tersa (21/09).

Tanba Pesoál saúde barak los, presiza halo verifikasaun ba sira-nia lista prezensa ka ordem servisu nune'e bele halo prosesu pagamentu, tanba ne'e kondisaun ida atubele hetan pagamentu.

"Ita tenke verifika didi'ak no kompleta dokumentu sira ne'e, atu haruka ba Ministériu Finansas nune'e sira bele hetan sira-nia direitu, no importante katak sira-nia direitu ne'e la bele lakon", dehan nia.

Ba kategória sira ne'e hanesan sira ne'ebé servisu iha izolamentu, sira ne'ebé la servisu iha izolamentu maibé nia iha risku atubele kontamina husi moras, ekipa ida servisu apoiu nian, ekipa ida ba vasinasaun nian, ekipa kondutór sira, tenke koloka didi'ak sira-nia fatin tanba osan simu la hanesan, la bele kahur, se kahur mak balu simu liu balu simu menus bele hamosu problema.

"Ita tenke koloka ema iha fatin ne'ebé lolos, se la’e nia servisu iha izolamentu ita tau fali ba fatin seluk ne'e bele iha problema ona, tanba ne'e ita tenke servisu hamutuk ho Diretór Saúde Munisípiu sira, Ospitál sira no Diretór Nasionál sira atu haree didi'ak sira-nia ema ne'ebé envolve iha prevensaun mitigasaun Covid-19 ne'e, nune'e to'o pagamentu ne'e la bele prejudika fali ema ruma", haktenik nia. (*)

 

 

Rate this item
(1 Vote)
Last modified on Tuesday, 21 September 2021 21:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter