Administradór Kontente MS Hari’i Izolamentu ho Mini Laboratóriu iha Aileu

Ministra Saúde, Odete Maria Freitas Belo ho Ministru Asuntu Parlamentár no Komunikasaun Sosiál, Francisco Martins Jerónimo, tesi hela fita ba fatin izolamentu iha Munisípiu Aileu, kuarta (22/09). Ministra Saúde, Odete Maria Freitas Belo ho Ministru Asuntu Parlamentár no Komunikasaun Sosiál, Francisco Martins Jerónimo, tesi hela fita ba fatin izolamentu iha Munisípiu Aileu, kuarta (22/09). Foto Tempo Timor

Tempotimor (Aileu)-Administradór Munisípiu Aileu, Abel da Conceição hatete, nia parte kontente ho Ministériu Saúde (MS) ne’ebé deside hodi hari’i izolamentu ida ho mini laboratóriu iha Munisípiu Aileu.

"Ministra ami kontente los, apresia ho situasaun Covid-19 ida ne'e, ita-boot nia desizaun para bele husik hela uma rua, ne'ebé fazparte ba dezenvolvimentu iha Munisípiu Aileu", dehan nia hafoin serimónia inaugurasaun sala izolamentu ho fatin laboratóriu iha Aileu Vila, kuarta (22/09).

 Tanba, esforsu hotu ne’ebé halo moras ne'e sei redus duni nia ezistensia iha rai laran nomós iha Munisípiu Aileu.

"Alende ida ne'e ho prezensa moras ida ne'e, bele husik hela dezenvolvimentu mós ba ami-nia Munisípiu Aileu, tan ida ne'e hakarak agradese ba desizaun Ministra nian ba asuntu ida ne'e", hatete nia.

Ministra Saúde, Odete Maria Freitas Belo hatete, sira lakoi sidadaun tama iha ospitál tanba nasaun ki’ik tebtebes, foin mak hari’i ho ekipamentu, fasilidade ho konstrusaun ne'ebé menus, karik husi populasaun Aileu mak moras hotu fatin labele aguenta.

"Ohin ita halo inaugurasaun ba ita-nia izolamentu ho 25 kama no 25 kama de'it moras mai liu 25 ba tau iha ne'ebé, professionál saúde ba tau iha ne'ebé, hela fatin ne'ebé, taun tenke buka ótel buka fatin atubele koloka pesoál sira ne'ebé moras ho Covid-19", dehan nia.

Diretór Servisu Munisipál Saúde Aileu, Julio dos Santos dehan, Munisípiu Aileu durante ne'e atende hela kazu Covid-19 ho fasilidade ne'ebé naton, hetan apoiu direta husi administradór liuhusi diretór agrikultór oferese uma ida ho fasilidade Kama 10  hodi atende hela komunidade iha Munisípiu Aileu.

"Ohin agradese ba VIII Governu liuhusi Ministeriu Saúde bele oferese izolamentu nomós mini laboratóriu ida mai Munisípiu Aileu ho nune'e bele atende ami-nia komunidade di'ak liután iha futuru", afirma nia.

Maske fasilidade seidauk kompletu maibé hanesan Diretór nafatin buka solusaun hamutuk ho Ministériu ho Diretór Nasionál sira hotu atu kompleta.

Ba konstrusaun ne'e, hetan apoiu husi Governu liuhusi Fundu Covid nian ne’ebé Ministériu saúde rasik mak jere no aplikasaun direta ba  kompaña. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter