"Hetan prezsnsa husi Ministru Asuntu Parlamentár no Komunikasaun Sosiál (MAPKONS) iha ne'e iha loron 10 Maiu, depois ita konklui ba loron 18 ba kampaña, motivasaun lori ita-nia komunidade sira ba tuir vasinasaun ohin Aileu atinje ona pursentu 42 no fó nia rezultadu ida di'ak", dehan nia iha Munisípiu Aileu Vila, kuarta (22/09).

Tanba ne'e, hakarak valoriza servisu pesoál saúde sira maske enfrenta limitasaun no problema oioin maibé la hamate vontade hodi kontinua fó nafatin, lori nafatin ai-moruk ba komunidade sira.

"Antes halo kompaña iha loron 10 Maiu ita mak ida ikus liu mais depois hetan motivasaun prezensa MAPKOmS ita fó ona rezultadu di'ak ba nasionál tanba ne'e seidauk hotu ita-nia nia tarjeita mak hanesan ohin dehan entaun sei hakarak ita-bot sira-nia kontribuisaun nafatin", afirma nia.

Diretór Servisu Munisipal Saúde, Aileu Julio dos Santos esplika, antes ne'e partisipasaun sei tun tanba tuir dadus estatistiku ne'ebé fó tenke atinje populasaun 31.235 no prezensa komunidade menus tebes maibé ho prezensa Ministru MAPKOms durante loron 10 iha Aileu to’o atinje ona 13.200-resin ho pursentu 42.

"Ita nafatin esforsu ho liña Ministeriál sira hotu, atubele utrapasa to'o pursentu 80 iha Munisípiu Aileu", afirma nia.

Enkuantu iha Munisípiu Aileu vasina AstraZeneca balun besik ona liu prazu maibé médiku sei tau prioridade ida ne'ebé atu expired (prazu) uza uluk no ida ne'ebé loron sei naruk rezerva.

"Provizória ita aprezenta iha ita-nia servisu sentrais vasina atu expired 275 iha Munisípiu Aileu no sei esaired iha 31 Outubru", informa nia. (*)