"Ba terseiru dize ida ne'e ita la fó ba ema hotu, ita sei rona husi ekipa independente Ministériu Saúde nian no OMS (Organizasaun Mundiál Saúde) nafatin ita fó atensaun ba liña frente sira inklui ema ne'ebé vulnerável tebetebes atubele hetan terseira doze ida ne'e”, informa Ministra Odete, iha Parlamentu Nasionál tersa (28/09).
Maibé depende ba kondisaun nasaun nian atu prontu simu vasina tanba inklui mós kona-ba orsamentu ne'ebé atu sosa vasina iha estranjeiru.
"Ita-nia kondisaun no disponibilidade orsamentu, se ita iha orsamentu ne'ebé mak sufisiénte atubele sosa vasina vuster ida ne'e hothotu bele iha direitu atu vasina terseiru ida ne'e”, esplika nia.
Maibé sidadaun sira hotu tenke foku simu uluk vasina priemeiru no segundu uluk, hafoin ko'alia kona-ba simu vasina terseiru tanba dadaun ne'e vasina barak mak sei expired iha fulan-outubru nia laran.
Tanba primeiru ho segundu doze de'it iha nia partisipasaun sei menus tebetebes entaun tenke asegura uluk priemeiru n segundu.
Dadaun ne'e Ministériu Saúde sei hein hela informasaun husi Parseiru Internasionál sira bainhira iha ona informasaun relasiona ho vasina terseiru nian sei fó sai tan ba públiku. (*)