"Nova Normalidade nia kriteriu mak ita tau á nível atinjimentu de vasina ne'e, Dili ita iha prátikamente ita iha doze primeiru atinje pursentu 77 (77%) no doze segundu atinje pursentu 66 (66%) se ita atinje Pursentu 70 provavelmente ita la saida mais ha'u mós ko'alia ona ho señór Brigadeiru-Jenerál "Aluk" ami hanesan ideia para ke Dili ami la halo extensaun Serka Sanitária (SS)”, dehan PM Taur iha Parlamentu Nasionál, tersa (28/09).
Iha ne’e mós deside hakotu Munisípiu sira ne'ebé mak hakarak aplika Nova normalidade presiza mós tenke prense rekézitu sira prepara husi Governu.
Tanba ema hotu presiza kontribui ba kampaña Vasinasaun Nasionál atubele aplika normalidade nune'e sidadaun sira bele buka buka moris ho livre:
"Nune'e Munisípiu sira ne'ebé mak ezije naturalmente sei reforsa medida ba sira ne'ebé mak atinje ona númeru ke di'ak ami relata mais ami sei haree alternativa seluk para ke ajuda no atrai ita-nia populasaun sira kontribui ba kampaña Vasinasaun hodi bele hetan vasina”, afirma nia.
Tanba nasaun ida ne'ebé mak sai kredivel iha komunidade internasionál presiza nasaun nia prestijiu no kredibilidade atu nasaun seluk bele fó liman ba Timor-Leste iha situasaun Krize ida ne'e.
"Ita vasina iha ita tauk mak nia prazu liu, tanba ne'e sidadaun sira hotu kontribui ne'e di'ak liu ba ita-nia Nasaun prestijiu no ita-nia kredibilidade ba hanesan nasaun ida ke iha responsabilidade atu komunidade internasionál sira atu fó liman ba ita atu enfrenta situsaun krize iha ita-nia rai laran”, afirma nia. (*)