"Iha balun que kada reziste katak lakohi vasina ka, laiha tempu atu ba vasina, entaun kazu sira ne'e ami sei haree, maibé ami sei fó prazu, labele kleur demais porque labarik sira mós presiza eskola, maibé se nafatin hanesan ne'e hodi kleur mak ami sei fó tratamentu espesiál ba sira”, dehan Armindo Maia, iha Palásiu Governu, kuarta (29/09).
Atu labele prezudika nafatin estudante sira-nia estudu, tanba sira mak futuru nasaun nia, maibé se nafatin ho razaun hodi lakohi simu vasina mak sira sei haree no buka tuir hodi hatene motivu saida.
Nune'e profesór sira ne'ebé mak la simu vasina ne'e funsionáriu públiku (FP) sei trata tuir funsionaria públika, sira ne'ebé kontratadu selu husi orsamentu MEJD sei halo tratamentu espesiál ba sira, no ba sira voluntáriu mós sei haree hodi tau kritéria ba sira relasiona ho rekrutamentu ba tuir konkursu.
“Se sira funsionaria públiku entaun ita sei trata tuir Fúnsionaria Públika, se sira kontratadu ne'ebé selu husi MEJD nia orsamentu ne'e mós ita sei halo tratamentu espesiál ba sira, sira mesmu voluntáriu ne'e mós ami sei haree, tanba bainhira atu loke rekrutamentu atu tuir konkursu ne'e mós ami sei tau nia kritéria iha ne'ebá”, dehan nia.
Maibé ba reativasaun aula prezensiál lolos ba estudante sira ne'e sei depende ba profesór sira simu vasina tuir tarjetu ne'ebé Governu iha ona. (*)